أولا ربنا مش بيعمل حاجة مضرة لنا أو حاجة مش مظبوطة كل حاجة بيكون في وراها فائدة للناس طيب فى البداية لازم نعرف بعض فوائد الصيام
1-خفض نسبة السكر في الدم
2- يزيل الخلايا التالفة والضعيفة من الجسم
3-إنقاص الوزن
4- زيادة مناعة الجلد
5- أستشفاء الأعضاء الداخلية
.......
الموضوع بيختلف بين الأشخاص وبعضها و بين طبيعة كل أنسان يعنى فى ناس بتشتغل شغل يكاد يكون أقوى من التمرين و فى ناس شغلهم مش بيحتاج مجهود عالى
مش عايز أطول عليكم الموضوع أصلا فى كلام كتير بس انا هقول رأى وده مش رأى بس لا ده مبنى على علم.
الإنسان وهو صائم بيستهلك من مخازن الطاقة فى جسمه على مدار اليوم، طبيعى مفيش حد مش بيعمل مجهود، التنفس مجهود، التفكير مجهود، حركة العين مجهود، الكلام مجهود، حركة الأمعاء مجهود، لو نايم و بتحلم برضه بتعمل مجهود. بيجى الانسان على أخر اليوم بيبتدى الجسم بتقليل معدل الحرق، ليه؟ علشان الجسم شايف ان مفيش سعرات حرارية بتدخل، فيقوم بإرسال أشارات ان فى حالة مجاعة و يبدأ بتقليل أستهلاك الوقود اللى موجود علشان خايف ممكن ميدخلش اكل خالص فيقدر يقاوم اطول فترة ممكنة Surviving mode.
طيب تقريبا كده وضحنا شوية ايه اللى بيحصل داخل الجسم فى فترة الصيام، هتيجى انت تتمرن بعد ده كله الجسم هيعمل ايه بقى معاك؟
هو المفروض كده مظبط نفسه على المجهود العادى و يادوب مكفى نفسه، هتروح أنت طالب منه مجهود عالي و هو فى الحالة دى طبعا هيروح مدور على مصدر طاقة يستخدمها علشان حضرتك تتمرن هيلاقى فين المصدر دا بقى؟ فى العضلات. هيدخل على العضلات جوه العضلات موجود كبسولات طاقة هيروح ساحب منها و مطلع الطاقة اللى أنت محتاجها علشان تتمرن طيب ايه بقى المشكلة؟ المشكلة كده انك رايح الجيم علشان تحصل على عضلات، اللى انت بتعمله ده انك بتخسر العضلات اللي المفروض أنت قمت ببناءها فبيدخل الجسم فى مرحلة هدم عضلي (catabolic)
مش بس كدة انت كمان بتكمل صيام بعد ده كله فاستحالة هتحصل على كتلة عضلية بالشكل ده،
و علشان فى ناس هتقول طيب يا كوتش انا تخين و عايز أخسس! ما انت هتخس عضلات و هتخس دهون و متفتكرش ان لما تخس عضلات و انت بتخسس دي حاجة كويسة لا طبعا لأن العضلات مختلفة تماما عن الدهون في شكلها و وظائفها ولما تقل معدل الحرق بيقل، وكمان هتبتدى تحس بألام فى جميع مفاصل جسمك لأن اللى شايل جسمك العضلات مش العظام و من الطبيعى أنها لما تضعف هتحس بوجع فى المفاصل علشان هتقرب من بعض، لذلك انا بنصح بلاش نتمرن قبل الفطار، كفاية على جسمنا مجهود اليوم العادى بلاش نيجى عليه اكثر من كده، كمان حاجة مهمة لا ينصح بالتمرين الشاق فى رمضان يعنى بلاش الأوزان العالية فى التمرين كمان مدة التمرين من 45 دقيقه ولا تتعدى ال60 دقيقة
أتمنى يكون كلامى فى إفادة لكم وكل سنة وانتم طيبين.
1-خفض نسبة السكر في الدم
2- يزيل الخلايا التالفة والضعيفة من الجسم
3-إنقاص الوزن
4- زيادة مناعة الجلد
5- أستشفاء الأعضاء الداخلية
.......
الموضوع بيختلف بين الأشخاص وبعضها و بين طبيعة كل أنسان يعنى فى ناس بتشتغل شغل يكاد يكون أقوى من التمرين و فى ناس شغلهم مش بيحتاج مجهود عالى
مش عايز أطول عليكم الموضوع أصلا فى كلام كتير بس انا هقول رأى وده مش رأى بس لا ده مبنى على علم.
الإنسان وهو صائم بيستهلك من مخازن الطاقة فى جسمه على مدار اليوم، طبيعى مفيش حد مش بيعمل مجهود، التنفس مجهود، التفكير مجهود، حركة العين مجهود، الكلام مجهود، حركة الأمعاء مجهود، لو نايم و بتحلم برضه بتعمل مجهود. بيجى الانسان على أخر اليوم بيبتدى الجسم بتقليل معدل الحرق، ليه؟ علشان الجسم شايف ان مفيش سعرات حرارية بتدخل، فيقوم بإرسال أشارات ان فى حالة مجاعة و يبدأ بتقليل أستهلاك الوقود اللى موجود علشان خايف ممكن ميدخلش اكل خالص فيقدر يقاوم اطول فترة ممكنة Surviving mode.
طيب تقريبا كده وضحنا شوية ايه اللى بيحصل داخل الجسم فى فترة الصيام، هتيجى انت تتمرن بعد ده كله الجسم هيعمل ايه بقى معاك؟
هو المفروض كده مظبط نفسه على المجهود العادى و يادوب مكفى نفسه، هتروح أنت طالب منه مجهود عالي و هو فى الحالة دى طبعا هيروح مدور على مصدر طاقة يستخدمها علشان حضرتك تتمرن هيلاقى فين المصدر دا بقى؟ فى العضلات. هيدخل على العضلات جوه العضلات موجود كبسولات طاقة هيروح ساحب منها و مطلع الطاقة اللى أنت محتاجها علشان تتمرن طيب ايه بقى المشكلة؟ المشكلة كده انك رايح الجيم علشان تحصل على عضلات، اللى انت بتعمله ده انك بتخسر العضلات اللي المفروض أنت قمت ببناءها فبيدخل الجسم فى مرحلة هدم عضلي (catabolic)
مش بس كدة انت كمان بتكمل صيام بعد ده كله فاستحالة هتحصل على كتلة عضلية بالشكل ده،
و علشان فى ناس هتقول طيب يا كوتش انا تخين و عايز أخسس! ما انت هتخس عضلات و هتخس دهون و متفتكرش ان لما تخس عضلات و انت بتخسس دي حاجة كويسة لا طبعا لأن العضلات مختلفة تماما عن الدهون في شكلها و وظائفها ولما تقل معدل الحرق بيقل، وكمان هتبتدى تحس بألام فى جميع مفاصل جسمك لأن اللى شايل جسمك العضلات مش العظام و من الطبيعى أنها لما تضعف هتحس بوجع فى المفاصل علشان هتقرب من بعض، لذلك انا بنصح بلاش نتمرن قبل الفطار، كفاية على جسمنا مجهود اليوم العادى بلاش نيجى عليه اكثر من كده، كمان حاجة مهمة لا ينصح بالتمرين الشاق فى رمضان يعنى بلاش الأوزان العالية فى التمرين كمان مدة التمرين من 45 دقيقه ولا تتعدى ال60 دقيقة
أتمنى يكون كلامى فى إفادة لكم وكل سنة وانتم طيبين.
ليست هناك تعليقات:
إرسال تعليق