كيف تحارب عطشك فى رمضان

من العوامل الفيسيولوجية اللى بتأثر على الجسم فى رمضان هى الجفاف و زى ماوضحنا فى مقالة سابقة خطورة الجفاف اللى بيحصل للجسم أثناء رمضان و تأثره بعوامل كتير هنوضح دلوقتى أهم الخضروات و الفواكه اللى بتحتوى على ماء و اللى هتساعدك بصورة كبيرة مع شرب الماء فى ترطيب الجسم و انعاش الخلايا و موازنة نقص الماء اللى بيحصل فترة الصيام.

الخضروات:

الخيار و الخس (96% ماء)
الكوسة و الفجل و الكرفس (95% ماء)
الطماطم (94% ماء)
الملفوف الأخضر (93% ماء)
القرنبيط و الباذنجان و الملفوف الأحمر و الفلفل و السبانخ (92% ماء)
البروكوللى (91% ماء)
الجزر (87% ماء)
البسلة الخضراء و البطاطس (79% ماء)

الفواكه:

البطيخ و الفراولة (92% ماء)
الجريب فروت (91% ماء)
الكانتالوب (90% ماء)
الخوخ (88% ماء)
الأناناس و البرتقال و التوت البرى (87% ماء)
المشمش (86% ماء)
التوت الأزرق و البرقوق (85% ماء)
التفاح و الكمثرى (84% ماء)
الكريز و العنب (81% ماء)
الموز (74% ماء)

حاول على قد ماتقدر تهتم بالأكل الصحى و تستخدم الخضروات و الفواكه الطازجة طوال فترة الفطار بديل للسكريات المصنعة و الحلويات عشان تقدر توازن الجفاف اللى بيحصل للجسم أثناء فترة الصيام و أكثر من شرب الماء و حاول انك لا تقل عن 3 ليتر فى فترة الأفطار .

‫#‏رمضان_يقوينا‬ 💪

⛔ ملحوظة مهمة جدا ⛔

أفضل حاجة انك تتابع مع مدرب عشان يقدر يوصلك لنتائج و هايفيدك أكتر مننا لأن كل شخص ليه طبيعة جسمه وعوامل تانية كتير احنا مش هنبقى شايفينها زى المدرب, مش عارفين مثلا لو هو بيعاني من مرض معين أو نوع جسمه إيه أو طبيعة حرقه او بيتمرن ازاى و طريقه ادائه للتمارين, عشان كده لازم اللي يفيده فى التمرين مدرب اللي عينه عليه على طول ومتابع معاه وهيقدر يشوفه كل يوم ودكتور تغذية فى النظام الغذائى.
لكن لو أحنا قولناله طريقة تمرين مثلا أو نظام أكل ممكن يضره أكتر ما يفيده وده مش مبدأنا خالص 👎 , لكل شخص تخصصه و شغله و أي حاجة فى قدرتنا نساعد بيها هنساعدك على طول وده مبدأنا